Ornela Vorpsi

Ornela Vorpsi

Ornela Vorpsi (3 gusht 1968, Tiranë) është një fotografe dhe shkrimtare shqiptare që shkruan në gjuhën italiane dhe franceze. Pas mbarimit të studimeve të larta në Akademinë e Arteve në Tiranë, Akademinë e Arteve të Bukura të Breras në Milano dhe në Universitetin e Parisit VIII, Saint Denis, Ornela Vorpsi që nga viti 1997 jeton dhe punon në Paris të Francës. Punimet e saj në lëmin e arteve pamore janë paraqitur me sukses në ekspozita të shumta, ashtu si edhe veprat letrare kanë gëzuar popullaritet dhe njohje ndërkombëtare.

Veprat e saj kanë pasur mjaft sukses dhe janë përkthyer në tetëmbëdhjetë gjuhë të botës. Librat e saj kanë fituar shumë çmime prestigjioze, si: “Grinzane Cavour”, “Elio Vittorini”, çmimin “Albatros Città” në Palestrina, “Città di Tropea” “Premio Pozzale Luigi Rosso”, “Premio città di Vigevano, “Prix méditerranéen des Lycéens France” etj.

Në vitin 2012 ajo u emërua një ndër 35 shkrimtarët më të mirë të Evropës në “Fiction Best European” nga Aleksander Hemon dhe Zadie Smith. Puna e saj e parë është një libër fotografie, një monografi botuar nga “Scalo Publishers”, Zyrih me titull “Asgjë e dukshme”.

Në vitin 2016, ajo mori pjesë si autore e ftuar në Bienalen e Venedikut (Arkitekturë).

Vepra artistike:

2001 – “Nothing Obvious”, monografi fotografike

2003 – “Le pays où l’on ne meurt jamaisEditions Actes Sud”

2006 – “Vetri rosa” me Mat Collishaw und Philippe Cramer, Take 5

2007 – “Tessons roses”

2007 – “La mano che non mordi”, Einaudi, 2007

2007 – “Vert Venin”, Actes Sud

2010 – “Buvez du cacao Van Houten!”, Actes Sud

2012 – “Ci-gît l’amour fou”, Actes Sud

2012 – “Fuorimondo”

2014 – “Tu convoiteras”, Gallimard

2015 – “Viaggio intorno alla madre”

2018 – “L’été d’Olta”, Gallimard