Qendra e Botimeve për Diasporën (QBD) shpall ftesën për konkurrim për përzgjedhjen e 8 (tetë) bashkëpunëtorëve të jashtëm, përkthyes, për përkthimin nga gjuha shqipe në gjuhë të huaj, përkatësisht në: italisht, anglisht, gjermanisht, frëngjisht, greqisht, suedisht, holandisht, kroatisht, të tekstit “Mësojmë shqip – Tungjatjeta!”, niveli A1.

Janë të ftuar të aplikojnë të gjithë personat që plotësojnë kërkesat e mëposhtme:

· Të ketë mbaruar arsimin e lartë;

· Të ketë të paktën 5 vite përvojë pune në mësimdhënien e gjuhës shqipe në diasporë;

· Të zotërojë certifikatë ose diplomë për njohjen e gjuhës së huaj përkatëse;

· Të ketë përvojë në përkthim ose në punë me materiale didaktike;

· Të ketë njohuri të strukturës së kurrikulës dhe të specifikave të mësimdhënies për nxënësit dygjuhësh.

· Të mos ketë qenë i/e dënuar apo të mos jetë në ndjekje penale.

· Të ketë mbaruar arsimin e lartë në ciklin/profilin përkatës dhe të jetë i pajisur me diplomë;

· Të jetë njohës shumë i mirë i gjuhës shqipe dhe i gjuhës së huaj përkatëse të kërkuar;

· Të ketë përvoja të mëparshme të ngjashme në fushën e përkthimeve nga gjuha shqipe në gjuhën përkatëse të kërkuar (të dokumentuara);

· Të ketë veprimtari të spikatur në mësimdhënien e gjuhës shqipe në diasporë.

1. Jetëshkrimi (CV);

2. Fotokopje e kartës së identitetit;

3. Fotokopje e diplomës së arsimit të lartë;

4. Çdo dokument tjetër që vërteton kontributin në fushën e përkthimeve nga gjuha shqipe në gjuhën përkatëse;

5. Çdo dokument tjetër që vërteton kontributin në fushën e mësimdhënies së gjuhës shqipe në diasporë.

Afati i fundit për dorëzimin e dokumenteve për pjesëmarrje në konkurrim është data 29.05.2026.

Dokumentet duhen dërguar në adresën e emailit të QBD-së: info@qbd.gov.al.

Në përfundim të vlerësimit të kandidatëve, Qendra e Botimeve për Diasporën do t’i njoftojë kandidatët pjesëmarrës në konkurrim individualisht nëpërmjet adresës së emailit.