Doli nga shtypi “Shqipëria, historia në data, mbi Kanunin, personalitete”, i cili është një studim i ri albanologjik në rumanisht me autorë Dr. Liviu Lungu (shkrimtar dhe historian me origjinë shqiptare) dhe Dr. Luan Topçiu. Parathënia e librit është shkruar nga albanologu Dr. Radu Săvulescu, drejtor ekzekutiv i Shoqatës Lidhja e Shqiptarëve të Rumanisë (ALAR). Libri studimor është pjesë e një projekti të Qendrës Kulturore Shqiptare në Bukuresht që synon zhvillimin e studimeve albanologjike në Rumani.
