Selanik, Greqi/ Vijon dorëzimi i teksteve shkollore për mësimin e gjuhës shqipe në Diasporën shqiptare në Greqi. Procesi i shpërndarjes së teksteve të dërguara falas nga Qendra e Botimeve për Diasporën po realizohet nën kujdesin e konsullatës shqiptare dhe Oficeres Koordinuese për Diasporën në Selanik, znj. Aurela Konduri. Mësimi plotësues i gjuhës shqipe në Katerini të Greqisë do të realizohet në distancë dhe nëpërmjet këtyre teksteve nga mësuese Majlinda Lipi.
