Kursi intensiv i gjuhës shqipe në Universitetin Shtetëror të Arizonës për studentët, mësuesit, pensionistët, nxënës të klasave të shkollave të mesme dhe cikleve të tjera, i mbajtur nga pedagogia Linda Mëniku, këtë vit do të mbahet online për shkak të situatës së krijuar në gjithë botën.
Instituti i Gjuhëve Kritikë në Qendrën Melikian të Universitetit Shtetëror të Arizonës është një institut kombëtar trajnimi për gjuhë më pak të mësuara dhe ofron kurse intensive verore e programe studimi jashtë vendit në të gjithë botën. Ai fton të apasionuarit e të interesuarit me gjuhën që të aplikojnë dhe përcjell një intervistë të pedagoges e gjuhëtares Linda Mëniku.
