Bessa Myftiu ka lindur në Tiranë, Shqipëri. Është vajza e shkrimtarit disident Mehmet Myftiu. Shkollën fillore, të mesme dhe studimet e larta i ka kryer në Tiranë. Pas një pune dyvjeçare si pedagoge në Institutin e Lartë Pedagogjik të Elbasanit, Myftiu punoi si gazetare në revistën “Skena dhe ekrani”. Ka shkruar skenarin e filmit televiziv “Unë e dua Erën”, më 1991. Në vitin 1992 u largua nga Shqipëria për në Zvicër. Punoi disa vjet në Universitetin e Gjenevës në Fakultetin e Shkencave të Edukimit ku mbrojti edhe doktoraturën, kurse tani jep mësim në Shkollën e Lartë Pedagogjike në Lozanë. Pas vëllimit poetik në dy gjuhë “Miq të humbur /Des amis perdus”, shkruajti në gjuhën frënge romanet “Ma Légende” (“L’Harmattan”, 1998, me parathënie të Ismail Kadaresë), “Confessions des lieux disparus” (“Editions de l’Aube”, 2008, me parathënie nga Amelie Nothomb), i cili u botua në shqip me titullin “Rrëfime nga vendet e harruara”, “Amours au temps du communisme” (“Fayard”, 2011) botuar gjithashtu në shqip me titullin “Dashuri në kohën e komunizmit” etj. Përmbledhja me tregime “Vers l’impossible” (Editions Ovadia, 2007) ka dalë në shqip me titullin “Drejt të pamundurës”.
Veprat:
“Miq të humbur / Des amis perdus”, poèmes en deux langues (“Marin Barleti”, Tiranë, 1994)
“Ma légende”, roman (préface d’Ismail Kadaré (“L’Harmattan”, Paris, 1998)
“A toi, si jamais…”, peintures de Serge Giakonoff (“Éditions de l’Envol”, Forcalquier, 2001)
“Nietzsche et Dostoïevski: éducateurs!” (“Éditions Ovadia”, Nice, 2004)
“Dialogues et récits d’éducation sur la difference”, en collaboration avec Mireille Cifali (“Éditions Ovadia”, Nice, 2006)
“Confessions des lieux disparus”, préface d’Amélie Nothomb, 2007 (La Tour-d’Aigues sorti en 2008 en livre de poche et réédité en 2010 par les Éditions Ovadia, prix “Pittard de l’Andelyn” en 2008, traduction de Katja Meintel “An verschwundenen Orten”, (“Éditions Limmat Verlag”, Zyrih, 2008)
“Le courage, notre destin”, récits d’éducation (“Éditions Ovadia”, Nice, 2008)
“Littérature & savoir” (“Ovadia”, Nice, 2008)
“Amours au temps du communisme” (“Fayard”, Paris, 2011)
“Vers l’impossible” (“Éditions Ovadia”, Nice, 2016)
“Dix-sept ans de mensonge” (“BSN Press”, 2017)
“La dame de compagnie” (“Encre fraîche”, 2018)
Vepra në shqip:
“Miq të humbur/ Des amis perdus” (“Marin Barleti”, Tiranë, 1994)
“Rrëfime nga vendet e harruara” (Marin Barleti, Tiranë, 2010)
“Drejt të pamundurës” (“Marin Barleti”, Tiranë, 2012)
“Dashuri në kohën e komunizmit” (“Dudaj”, Tiranë, 2017)
